চৰাই দেউ জিলাৰ সদৰ সোনাৰীৰ ধোদৰ আলিৰ কাষতে থকা পদ্মকুমাৰী উচ্চতৰ মাধ্যমিক বিদ্যালয়ত এইবাৰ চোৰে তাণ্ডৱ চলালে। ঘটনাৰ বিৱৰণী অনুসৰি চৰাইদেউ জিলাৰ অগ্ৰণী শিক্ষানুষ্ঠান পদ্মকুমাৰী উচ্চতৰ মাধ্যমিক বিদ্যালয়ত নিশা চোৰৰ এটা দলে প্ৰৱেশ কৰি লণ্ডভণ্ড কৰা ঘটনাই সমগ্ৰ অঞ্চলটোতে ব্যাপক চাঞ্চল্যৰ সৃষ্টি কৰিছে।জানিব পৰা মতে নিশা চোৰৰ দলটোৱে বিদ্যালয়ত তলাভাঙি প্ৰৱেশ কৰি অধ্যক্ষৰ কোঠাৰ সংলগ্ন হৈথকা কোঠাৰ তলা।ভাঙি প্ৰৱেশ কৰি বিভিন্ন গুৰুত্ব পূৰ্ণ নথি পত্ৰ লণ্ডভণ্ড কৰাৰ লগতে চি চি টিভি আৰু কম্পিউটাৰৰ বহু মূল্যৱান সামগ্ৰী আদি চুৰি কৰি নিয়ে পুৱা।বিদ্যালয় কতৃপক্ষই বিদ্যালয়ত সংঘটিত হোৱা চুৰি কাণ্ডৰ বিষয়ে জানিব পাৰি স্থানীয় আৰক্ষীক এজাহাৰ দাখিল কৰে।ইতিমধ্যে সোনাৰী আৰক্ষীয়ে বিদ্যালয়ত অনুসন্ধান অব্যাহত ৰাখিছে যদিও এই পৰ্য্যন্ত। চোৰক কৰায়ত্ব কৰিবলৈ সক্ষম হোৱা নাই।