बीड: माजलगाव तालुक्यात एखाद्या हिंदी सिनेमातील नाट्यमय घटनेसारखा थरार घटना घडल्याचा प्रकार समोर आला आहे.
ओम धगाल - पूर्व प्रदेश कार्यकारिणी सदस्य भाजपा युवा मोर्चा
ओम धगाल की और से हिंडोली विधानसभा क्षेत्र एवं बूंदी जिले वासियों को रौशनी के त्यौहार दीपावली की हार्दिक बधाई व शुभकामनाएं
माजलगाव - गढी महामार्गावरील शृंगारवाडी फाट्याजवळ, भरधाव वेगाने जात असलेल्या ट्रॅक्टरला ओव्हरटेक करणाऱ्या एसटी बसवर, ट्रॅक्टरमध्ये बसलेल्या एका व्यक्तीने उडी मारली. यावेळी हा तरुण एसटीच्या डाव्या बाजूला धडकून रोडवर जोरात आदळल्याने तरुणाचा जागीच मृत्यू झाला. ही घटना काल मंगळवारी सायंकाळच्या दरम्यान घडली असल्याची माहिती समोर येत आहे. गजानन बनाईत वय 32 रा. शुक्लतीर्थ लिमगाव ता.माजलगाव असं मृत तरुणाचे नाव आहे.
गेवराई तालुक्यातील सिरसदेवीहून 2 ट्रॉल्या असलेले ट्रॅक्टर कोळसा घेऊन माजलगावकडे जात होते. यावेळी पाठीमागून आलेल्या कल्याण- वसमत ही बस, ट्रॅक्टरला ओव्हरटेक करत होती. यादरम्यान ट्रॅक्टरच्या ट्रॉलीमध्ये बसलेल्या गजानन बनाईत याने एसटी बसवर उडी मारली. यावेळी तो एसटी बसच्या डाव्या बाजूला समोरील टायरच्या बाजूला धडकला व रस्त्यावर जोरात आदळला. यामुळ त्याच्या डोक्याला गंभीर दुखापत होवून त्याचा जागीच मृत्यू झाला. दरम्यान ट्रॅक्टर चालक फरार झाले असून रात्री उशीरापर्यंत गुन्हा दाखल करण्यात आलेला नाही.
