દાહોદ જિલ્લાના દેવગઢ બારીઆ તાલુકાના ભુવાલ ગામે આવેલ જંગલમાં કોઈ અજાણી સ્ત્રીએ તાજુ જન્મેલ બાળકને ત્યજી દેવાતાં બાળકનું મોત નીપજતાં આ સંબંધે પોલીસમાં ફરિયાદ નોંધાંતા પોલીસે તપાસ હાથ ધરી છે. ગત તા.૨૫મી નવેમ્બરના રોજ દેવગઢ બારીઆ તાલુકાના ભુવાલ ગામે આવેલ જંગલ વિસ્તારમાં કોઈ અજાણી સ્ત્રી દ્વારા પોતાનું પાપ છુપાવવા માટે તાજુ જન્મેલા બાળકને જંગલ વિસ્તારમાં છોડી મુકી નાસી જતાં તે સમયે ત્યાંથી પસાર થતાં દેવગઢ બારીઆના રાઉન્ડ ફોરેસ્ટર હિરેનભાઈ પ્રવિણભાઈ બારીઆએ આ મામલે દેવગઢ બારીઆ પોલીસ મથકે જાણ કરતાં આ સંબંધે દેવગઢ બારીઆ પોલીસે ગુનો નોંધી આગળની કાયદેસરની કાર્યવાહી હાથ ધરી છે.