আজি নাজিৰা মহকুমা প্ৰশাসনৰ উদ্যোগত আৰু নাজিৰা মহকুমা পুথিভঁৰালৰ সহযোগত বীৰ লাচিত বৰফুকনৰ ৪০০ সংখ্যক জন্মজয়ন্তী উপলক্ষে নাজিৰা মহকুমা পুথিভঁৰালত "গ্ৰন্থদান" শীৰ্ষক এক ব্যতিক্ৰমী কাৰ্য্যসূচী হাতত লোৱা হয়। এই কাৰ্যসূচীৰ শুভ উদ্ধোধন কৰে নাজিৰা মহকমাৰ মহকুমাধিপতি আয়ুষী জৈনে।
গ্ৰন্থ দানৰ এই মহৎ কাৰ্যসূচীৰ প্ৰতি সঁহাৰি জনাই বিভিন্ন অনুষ্ঠান, প্ৰতিষ্ঠান, নাজিৰা মহকুমা প্ৰশাসনৰ বিষয়া কৰ্মচাৰী, বিভিন্ন বিভাগৰ বিষয়া - কৰ্মচাৰী, বিভিন্ন শিক্ষানুষ্ঠানৰ শিক্ষক শিক্ষয়েত্ৰী, ছাত্ৰ - ছাত্ৰী, জেষ্ঠ্য নাগৰিক, বিশিষ্ট ব্যক্তি তথা স্থানীয় ৰাইজে গ্ৰন্থ দান কৰে।
এই পদক্ষেপে পুথিভঁৰালটিৰ গ্ৰন্থৰ ভঁৰাল চহকী কৰাৰ লগতে সকলো স্তৰৰ মানুহৰ মাজত একাত্মবোধ, দ্বায়বদ্ধতা তথা গ্ৰন্থ অধ্যয়নৰ ৰুচি গঢ়ি তোলাত উল্লেখনীয় ভূমিকা গ্ৰহণ কৰিব বুলি মহকুমাধিপতি আয়ুষী জৈনে ব্যক্ত কৰে।
