কামৰূপ জিলাৰ ছয়গাওঁ শিল্পী সুৰক্ষা পৰিষদে জ্যোতিষ শাস্ত্ৰত কৰি অহা অনবদ্য সেৱাৰ বাবে দৰঙ জিলাৰ দেওমৰনৈ নিবাসী জ্যোতিষী ৰেৱন শৰ্মালৈ আগবঢ়াইছে ২০২২ বৰ্ষৰ জ্যোতিষ ভাস্কৰ বঁটা ৷ সেই উপলক্ষে অলপতে ছয়গাঁৱত অনুষ্ঠিত গাম্ভীৰ্যপূৰ্ণ এক সাংস্কৃতিক পৰিক্ৰমা আৰু সমৰ্দ্ধনা অনুষ্ঠানত জ্যোতিষী গৰাকীক উক্ত বঁটা প্ৰদান কৰে  অসম সাহিত্য সভাৰ প্ৰাক্তন সম্পাদক ড° জগদীশ পাটগিৰিয়ে ৷ ইতিপূৰ্ব্বে অসম জ্যোতিষ ৰত্ন বঁটা পাপক  জ্যোতিষী ৰেৱন শৰ্মা অসমীয়া মাহেকীয়া আলোচনী বিস্ময়, প্ৰিয়সখী, ৰহস্য, অনুপমা, ই আলোচনী যাত্ৰা, সাপ্তাহিক বাতৰি কাকত 'প্ৰভাতী অসম'ৰ নিয়মীয়া ৰাশিফল লিখক। তেখেতৰ এনে সাফল্যত বৃহত্তৰ দেওমৰনৈ সাংবাদিক সন্থা, ছিপাঝাৰ ডিজিটেল মিডিয়া ফ'ৰাম, অসম জাতীয়তাবাদী যুৱ-ছাত্ৰ পৰিষদৰ দেওমৰনৈ আঞ্চলিক সমিতি,দেওমৰনৈ শাখা সাহিত্য সভা, বড়িগাওঁ মিলন সংঘ প্ৰমুখ্যে বিভিন্ন দল সংগঠনে জ্যোতিষী গৰাকীক অভিনন্দন জ্ঞাপন কৰে ৷