ગુજરાત વિધાનસભાની ચૂંટણી જાહેર થયા બાદ તમામ ઉમેદવારો પોતપોતાના વિસ્તારમાં સભાઓ, રેલીઓ યોજી રહેલ છે. સૌરાષ્ટ્ર નુ કેન્દ્ર બિંદુ અમરેલી જીલ્લો કે જયાં ગત વિધાનસભા ૨૦૧૭ માં કોંગ્રેસે તમામ પાંચ સીટો કબ્જે કરેલ હતી ... જયારે ધારી વિધાનસભા ના ધારાસભ્ય જે.વી કાકડીયા એ ૨૦૨૦ માં પક્ષપલ્ટો કરીને ભાજપના ફાળે આ સીટ ધરી દીધેલ હતી.અમરેલી જીલ્લા ની તમામ વિધાનસભા સીટ જીતવા ભાજપ, કોંગ્રેસ અને આમ આદમી પાર્ટીના સ્ટાર પ્રચારકો અમરેલી જીલ્લામાં આવી રહેલ છે...ગુજરાતમાં અમરેલી વિધાનસભા ટોક ઓફ ધ ટાઉન બની છે. કારણ કે આગામી તા. ર૦ ના રોજ પ્રધાનમંત્રી મોદી અમરેલી જાહેર સભાને સંબોધવાના છે, તો તા. રર ના રોજ કોંગ્રેસ નેતા રાહુલ ગાંધી પણ અમરેલી આવનાર છે. ત્યારે હવે આગામી તા. ર૧ ના રોજ આપ સંયોજક અરવિંદ કેજરીવાલ અમરેલીમાં બાઇક રેલી યોજી, સભા ગજવશે, તેમ જાણવા મળ્યું છે.