ছাত্ৰ-ছাত্ৰীয়ে পথাৰৰ খেতি-খোলাত নামিব। অভিভাৱক সমাজে সহযোগ কৰিব। গৰুৰ হাল সাজু কৰা হৈছে। নাঙলৰ মুঠিত ধৰি খেতিয়কে কি সপোন ৰচে শিক্ষাৰ্থীসকলে উপলব্ধি কৰক। নাঙল-যুঁৱলি, মৈ, শলমাৰি, জোঁত-জৰী, নাঙলৰ ফাল আৰু ডিলা, মাটিৰ আঁউচা জুৰা, কঠিয়াৰ এক ফেৰাত কেইচাকি কঠিয়া থাকে, আদি জানক। পকা কঁঠাল, ভজা পিঠা কলপটুৱাৰ ডোঙত খাব। ছাত্ৰ-ছাত্ৰী সকলে জানক কৃষিজীৱী মানুহৰ পথাৰৰ জলপান কি হ’ব পাৰে। অভিভাৱকে ল’ৰা-ছোৱালীক অনুভৱ কৰাৰ সুযোগ দিয়ক দ পথাৰ-বাম পথাৰৰ পাৰ্থক্য; দ পথাৰত ভুঁই ৰোওঁতে দ জোকে কেনেকৈ ধৰে; পথাৰৰ নতুনকৈ দিয়া আলিত বহি চাহ-জলপান খোৱাৰ কি আনন্দ!