সোণাৰিত ৰাষ্ট্ৰীয় প্ৰেছ দিৱস উদযাপন 

সাংসদ তপন কুমাৰ গগৈ , বিধায়ক ধৰ্মেশ্বৰ কোঁৱৰৰ অংশগ্ৰহণ

 বিভিন্ন প্ৰান্তৰ লগতে আজি চৰাইদেউ জিলা প্ৰশাসনৰ উদ্যোগত আৰু জিলা তথ্য আৰু জনসংযোগ বিষয়াৰ কাৰ্য্যালয়ৰ সহযোগত জিলা উপায়ুক্ত কাৰ্য্যালয়ৰ সভাকক্ষতো ৰাষ্ট্ৰীয় প্ৰেছ দিৱস, ২০২২ উদযাপন কৰা হয়। অনুষ্ঠানটোত মুখ্য বক্তা হিচাপে থাকি সোণাৰি মহাবিদ্যালয়ৰ ইংৰাজী বিভাগৰ প্ৰৱক্তা সুনীল দত্তয়ে ৰাষ্ট্ৰীয় প্ৰেছ দিৱসৰ এই বছৰৰ মূল আলোচ্য বিষয় "ৰাষ্ট্ৰ নিৰ্মাণত সংবাদ মাধ্যমৰ ভূমিকা" সন্দৰ্ভত ভাষণ প্ৰদান কৰে । অতিৰিক্ত উপায়ুক্ত জাদেব আৰমানে উদ্দেশ্য ব্যাখ্যা কৰা অনুষ্ঠানটোৰ আঁত ধৰে জিলা ভাৰপ্ৰাপ্ত তথ্য আৰু জনসংযোগ বিষয়া সমুজ্জল বৰাই । অনুষ্ঠানটোত যোৰহাট লোকসভা সমষ্টিৰ সাংসদ তপন কুমাৰ গগৈ , সোণাৰি সমষ্টিৰ বিধায়ক ধৰ্মেশ্বৰ কোঁৱৰ , জিলা উপায়ুক্ত পল বৰুৱাই অংশগ্ৰহণ কৰি ৰাষ্ট্ৰীয় প্ৰেছ দিৱস উপলক্ষে ভাষণ প্ৰদান কৰে । জিলাখনৰ বিভিন্ন প্ৰান্তৰ সংবাদকৰ্মী সকল উপস্থিত থকা অনুষ্ঠানটোত অতিৰিক্ত উপায়ুক্ত মৌচুমী চেতিয়া, অভিজিত গগৈ আদিকে ধৰি জিলা প্ৰশাসনৰ সকলো বিষয়া-কৰ্মচাৰী উপস্থিত থাকে ।