ৰাজ্যিক মহিলা মৰ্চাৰ সভানেত্রী আঙুৰলতা ডেকাৰ নেতৃত্বত ২৮ জুলাই তাৰিখে ওলোৱা প্ৰতিবাদী সমদলত আহোম জাতি মূর্দাবাদ শ্লোগান দিয়াক লৈ আজি মৰাণত ৭ টাকৈ জাতীয় সংগঠনে উত্তাল প্ৰতিবাদ সাব্যস্ত কৰে । টাই আহোম যুৱ পৰিষদ অসম ( টাইপা)ৰ উদ্যোগত  সদৌ অসম  আহোম সভা, আহোম  জাতীয় গণ মঞ্চ  , টাই আহোম জাতীয় পৰিষদ  , আহোম সেনা , আহোম জাতীয় মহা সভা আৰু মহন দেউধাই বাইলুং সন্মিলনৰ সহযোগত আজি মৰাণৰ মাজমজিয়াত বিভিন্ন শ্ল'গানেৰে প্ৰতিবাদ সাব্যস্ত কৰে । এই প্ৰতিবাদ স্থলীৰ পৰাই আহোম জাতিক অপমান কৰা বিজেপি মহিলা মৰ্চাৰ নেত্ৰী আঙুৰলতা ডেকাক আইনগত শাস্তি দিবলৈ দাবী জনায় । লগতে সংগঠনকেইটাই অতি সোনকালে যদি আঙুৰলতাক আইনগত শাস্তি নিবিহে তেন্তে ইয়াতকৈ জংগী আন্দোলৰ হুংকাৰ দিয়ে ।