টাই আহোম যুৱ পৰিষদ, অসম (টাইপা) কেন্দ্ৰীয় সমিতিৰ আহ্বানত মৰাণ মহকুমা সমিতি আৰু মৰাণ আঞ্চলিক সমিতিৰ উদ্যোগত অহা ১ আৰু ২ ডিচেম্বৰত মৰাণৰ তিলৈ গ্ৰাম্য বজাৰ প্ৰেক্ষাগৃহ প্ৰাংগণত দুদিনীয়াকৈ কেন্দ্ৰীয় ছ্যুকাফা দিৱস আয়োজন কৰা হৈছে । এই উদ্দেশ্যে আজি সংগঠনটোৱে তিলৈ গ্ৰাম্য বজাৰ ফিল্ডত লাইখুটা স্থাপন কৰে । চ্যুকাফা দিৱসৰ লাইখুটা স্থাপনৰ অনুষ্ঠানত মৰাণ সমষ্টিৰ বিধায়ক চক্ৰধৰ গগৈয়ে অংশগ্ৰহণ কৰে আৰু কেন্দ্ৰীয় চ্যুকাফা দিৱসৰ লগত সংগতি ৰাখি কণ্ঠশিল্পী মাধৱৰঞ্জন আৰু কুসুম কৈলাশ ৰ কণ্ঠত সাজি উলিওৱা এটি শীৰ্ষ গীত উন্মোচন কৰে ।এই অনুষ্ঠানটোত টাইপাৰ কেন্দ্ৰীয় সমিতিৰ সভাপতি, সম্পাদকৰ লগতে মহকুমা আৰু আঞ্চলিক সমিতিৰ কৰ্মকৰ্তা সকলৰ লগতে কণ্ঠশিল্পী মাধৱৰঞ্জন উপস্থিত থাকে । দুদিনীয়া বিস্তৃত কাৰ্যসূচীৰে আয়োজন কৰা এই দিৱসৰ দ্বিতীয় দিনাৰ সভাত মেঘালয়ৰ মুখ্যমন্ত্ৰী কনৰাড কে চাংমা মুখ্য অতিথি হিচাপে অংশগ্ৰহণ কৰাৰ লগতে টাইপাই চাওলুং ছ্যু কা ফা বৰ অসম সমন্বয় বটা প্ৰদান কৰিব মেঘালয়ৰ মূখ্যমন্ত্ৰী গৰাকীক।
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
