মৰাণৰ 37 নং ৰাষ্ট্ৰীয় ঘাইপথত সংঘটিত হ'ল ভয়ানক পথ দুৰ্ঘটনা। মৰাণৰ অন্ধ বিদ্যালয়ৰ সমীপত সংঘটিত হোৱা এই ভয়ানক পথ দুৰ্ঘটনাত এজন 17 বছৰীয়া যুৱক নিহত হয়। ঘটনা অনুসৰি মৰাণৰ দিশৰ পৰা আহি থকা AS04H9849 নম্বৰৰ মটৰ চাইকেল খনক একে দিশৰ পৰা আহি থকা AS04AC9841 নম্বৰৰ এল পি জি গেছ কঢ়িওৱা ট্ৰাকখনে খুন্দা মৰাত মটৰ চাইকেলত থকা আৰোহী দুজন গুৰুতৰভাৱে আহত হয়।

দুয়োজনকে ততাতৈয়াকৈ চিকিৎসালয়লৈ নিয়া হৈছিল যদিও চিকিৎসালয়ত এজন যুৱকক মৃত বুলি ঘোষণা কৰে চিকিৎসকে। মৃত যুৱকজন খোৱাং চাহ বাগিচাৰ মদন বাউৰীৰ পুত্ৰ অলক বাউৰী(17) বুলি জানিব পৰা গৈছে। দুৰ্ঘটনা সংঘটিত কৰি এল পি জি কঢ়িওৱা বাহনখনে পলায়ন কৰিছিল যদিও মৰাণ আৰক্ষীয়ে বাহনখন জব্দ কৰিবলৈ সক্ষম হৈছে