દસાડા ખાતે પોલીસે કોમ્બીંગ નાઈટ દરમ્યાન જાહેરમાં જુગાર રમતા છ જુગારીઓને રૂા.22,200ની રોકડ સાથે ઝડપી લઈને કાર્યવાહી કરી હતી. આ અંગે જાણવા મળતી વિગત એવા પ્રકારની છે કે, દસાડા પોલીસે કોમ્બીંગ નાઈટમાં બાતમીના આધારે દસાડાના પાટડીયાવાસમાં દરોડો પાડતા જાહેરમાં ગંજીપાનાનો જુગાર રમતા ઈસુબખાન રહીમખાન રાઠોડ, અસ્લમભાઈ અહેમદભાઈ સૈયદ, બસીર બબાભાઈ સીપાઈ, રામા બચુભાઈ અંબાળીયા, અશ્ર્વિન મનુભાઈ પાટડીયા તથા જાવેદ ઈસ્માઈલભાઈ શેખ નામના શખ્સો રૂા.22,200ની રોકડ સાથે ઝડપાઈ જતા પોલીસે તમામ સામે ગુનો દાખલ કર્યો હતો.