শতবৰ্ষ অতিক্ৰম কৰা দ'লবাগান উচ্চতৰ মাধ্যমিক বিদ্যালয়ৰ শতবৰ্ষ সামৰণি অনুষ্ঠান দেওবাৰে সমাপ্ত হয়। তিনিদিনীয়া বিস্তৃত কাৰ্যসূচীৰে অনুষ্ঠিত সামৰণি অনুষ্ঠানৰ অন্তিমটো দিনত বাৰেৰহনীয়া সাংস্কৃতিক শোভাযাত্ৰাৰ পাছতে অনুষ্ঠিত হয় মুকলি সভা। উদযাপন সমিতিৰ সভাপতি, বিদ্যালয় খনৰ প্ৰাক্তন ছাত্ৰ তথা সোণাৰি সমষ্টিৰ বিধায়ক ধৰ্মেশ্বৰ কোঁৱৰৰ সভাপতিত্বত অনুষ্ঠিত সভাখনত অসম চৰকাৰৰ শিক্ষা মন্ত্ৰী ডা: ৰনোজ পেগুৰ লগতে কেবিনেট মন্ত্ৰীদ্বয় যোগেন মহন, বিমল বড়াৰ লগতে সাংসদ তপন কুমাৰ গগৈ, অসম বিধানসভাৰ বিৰোধী দলপতি দেৱব্ৰত শইকীয়াৰ ওপৰিও বহু কেইগৰাকী বিশিষ্ট অতিথি উপস্থিত থাকে। মুকলি সভাত এখন স্মৃতিগ্ৰন্থ উন্মোচন কৰে শিক্ষামন্ত্ৰী গৰাকীয়ে।