રાજ્યમાં આગામી વિધાનસભાની ચૂંટણીની તારીખ જાહેર થઈ ગઈ છે. ત્યારે રાજકીય પક્ષ દ્વારા પ્રચાર પણ શરૂ કરી દેવામાં આવ્યો છે. ત્યારે ચોટીલા વિધાનસભા બેઠક માટે આમ આદમી પાર્ટીના ઉમેદવાર રાજુભાઈ કરપડા માટે દિલ્હીના મુખ્યમંત્રી અરવિંદ કેજરીવાલ આજરોજ ચોટીલા પ્રચાર માટે આવ્યા હતા. તેમણે ચોટીલા શહેરમાં એક રોડ શો પણ યોજ્યો હતો. અને ચોટીલા તળેટીમાં એક સભાને પણ સંબોધન કર્યું હતું.ચોટીલામાં જનમેદનીને સંબોધતા આમ આદમી પાર્ટીના સંયોજક અને દિલ્હીના મુખ્યમંત્રી અરવિંદ કેજરીવાલે આગામી દિવસોમાં યોજાનારી વિધાનસભા ચૂંટણીમાં આમ આદમી પાર્ટીના ઉમેદવારને વિજય બનાવવા માટે લોકોને અપીલ કરી હતી. સાથે અરવિંદ કેજરીવાલે પોતાના પ્રવચનમાં જણાવ્યું હતું કે, અમારી સરકાર ગુજરાતમાં આવતા અમે મોંઘવારી દૂર કરીશુ. સાથે લોકોને સારું શિક્ષણ અને ગુજરાતના લોકોને સારું આરોગ્ય મળે તે માટે અમારા દ્વારા પ્રયત્ન કરવામાં આવશે.સાથે એમણે લોકોને રોજગારી મળે તે માટે પણ અમારા દ્વારા કાર્ય કરવામાં આવશે. એકવાર અમારી સરકારને એક મોકો અમને આપો, તે માટે લોકોને અપીલ કરી હતી. આજે ચોટીલા ખાતે યોજાયેલા રોડ શોમા મોટી સંખ્યામાં લોકો જોડાયા હતા. અને મુખ્યમંત્રી દ્વારા ચોટીલા વિધાનસભામાં આપના ઉમેદવારને વિજય બનાવવા માટે અપીલ કરી હતી. સાથે મુખ્યમંત્રી અરવિંદ કેજરીવાલ અને ચોટીલા બેઠકના ઉમેદવારે રાજુભાઇ કરપડાએ ચોટીલામા મા ચામુંડાના દર્શન કર્યા હતા.