মাধ্যম আন্দোলনৰ পঞ্চাশ বছৰ পূৰ্ত্তি উপলক্ষে দেওমৰনৈত আছুৰ বন্তি প্ৰজ্বলন
দেওমৰনৈ আঞ্চলিক ছাত্ৰ সন্থাৰ সৌজন্যত ১৯৭২ চনৰ মাধ্যম আন্দোলনৰ পঞ্চাশ বছৰ সম্পূৰ্ণ হোৱাৰ বাবে আজি সন্ধিয়া দেওমৰনৈ মহাবিদ্যালয়ৰ শ্বহীদ বেদীত পঞ্চাশ গছি বন্তি প্ৰজ্বলন কৰা হয়।
সদৌ দৰং জিলা ছাত্ৰ সন্থাৰ সাহিত্য সম্পাদক অপূৰ্ব শৰ্মাই আঁতধৰা অনুষ্ঠানত মুখ্য বন্তি প্ৰজ্জ্বলক হিচাপে অংশগ্ৰহণ কৰে আপকু, দৰং জিলা সমিতিৰ সভাপতি ৰত্নেশ্বৰ চহৰীয়াই।
ইয়াৰোপৰিও সদৌ দৰং জিলা ছাত্ৰ সন্থাৰ উপদেষ্টা কৰুণা বৰুৱা,অসম জাতীয়তাবাদী যুৱ ছাত্ৰ পৰিষদ, দৰং জিলা সমিতিৰ কাৰ্যনিৰ্বাহক সদস্য দিনেশ বনিয়া, পৰিষদৰ দেওমৰনৈ আঞ্চলিক সমিতিৰ সভাপতি কমলা ডেকা, দেওমৰনৈ কবি সমাজৰ সভাপতি নৱজিৎ শৰ্মা, সহকাৰী সম্পাদক দেৱজিৎ শৰ্মা, বৃহত্তৰ দেওমৰনৈ সাংবাদিক সন্থাৰ সম্পাদক দিব্যজ্যোতি শৰ্মা, কুলদ্বীপ ভট্টাচাৰ্য্য, নাৰায়ণ ডেকা, চিন্টু নাথ প্ৰমুখ্যে কেইবাগৰাকীও ছাত্ৰ নেতাই অংশগ্ৰহণ কৰে।
