দৰঙৰ দিপীলা শ্ৰীশ্ৰীজগদ্ধাত্ৰী মন্দিৰত তিনিদিনীয়াকৈ উদযাপন কৰা হৈছে জগদ্ধাত্ৰী পূজা মহোৎসৱ। আজি দুৰ্গা নৱমী। নৱমী পূজাৰ লগত সংগতি ৰাখি অনুষ্ঠিত কৰা হয় সম্বৰ্দ্ধনা জ্ঞাপন আৰু মুখপত্ৰ উন্মোচনী সভা । জগদ্ধাত্ৰী পূজা মহোৎসৱ উদযাপন সমিতিৰ সভাপতি ডম্বৰুধৰ শৰ্মাই সঞ্চালনা কৰা সভাখন উদ্বোধন কৰে অৱসৰী বেংক বিষয়া আদ্যপ্ৰসাদ শৰ্মাই।
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
সভাত অখিল ৰঞ্জন ভট্ট সম্পাদিত মুখপত্ৰ "জগদ্ধাত্ৰী" উন্মোচন কৰে মাজবাট উন্নয়ন খণ্ডৰ খণ্ড উন্নয়ন বিষয়া তথা বিশিষ্ট লেখক চম্পক শৰ্মাই। ছিপাঝাৰৰ বিধান সভা সমষ্টিৰ প্ৰাক্তন বিধায়ক বিনন্দ কুমাৰ শইকীয়াই বিশিষ্ট অতিথি হিচাপে অংশগ্ৰহণ কৰা সভাত শতবৰ্ষ গৰকা দিপীলা শ্ৰীশ্ৰীজগদ্ধাত্ৰী পূজালৈ বিশেষ অৰিহণা আগবঢ়াই অহা পাঁচ গৰাকী পুৰুধা ব্যক্তিক সম্বৰ্দ্ধনা জ্ঞাপন কৰা হয়।
