দেউৰী স্বায়ত্বশাসিত পৰিষদৰ নিৰ্বাচনৰ প্ৰচাৰ অভিযান অব্যাহত ৰাখিছে প্ৰতিটো ৰাজনৈতিক দলে। বিশেষকৈ বিজেপি আৰু মিত্ৰ দলৰ প্ৰাৰ্থী ভৈৰৱ দেউৰীৰ হৈ সাত নং ৰজাবাৰী পৰিষদীয় সমষ্টিত বিজেপি দলে প্ৰচাৰ তীব্ৰতৰ কৰি তোলা পৰিলক্ষিত হৈছে। সমষ্টিটোৰ তত্বাৱধায়ক তথা সোণাৰি সমষ্টিৰ বিধায়ক ধৰ্মেশ্বৰ কোঁৱৰে ৰজাবাৰী সমষ্টিৰ ভোটাৰৰ ঘৰে ঘৰে গৈ প্ৰচাৰ অভিযান চলোৱা লগতে বিজেপি দলৰ প্ৰাৰ্থী জয়ী হোৱাটো নিশ্চিত বুলি মন্তব্য কৰিছে সংবাদ মাধ্যমৰ আগত।