সমগ্ৰ দেশৰ লগতে আজি মাজুলীতো পালন কৰা হয় ৰাষ্ট্ৰীয় একতা দিৱস। ভাৰতৰ লৌহ মানৱ খ্যাত চৰ্দাৰ বল্লভভাই পেটেলৰ জন্মবাৰ্ষিকী উপলক্ষে আজি জিলাখনৰ বিভিন্ন অনুষ্ঠান- প্ৰতিষ্ঠানে বিভিন্ন কাৰ্যসূচীৰে ৰাষ্ট্ৰীয় একতা দিৱস উদযাপন কৰা পৰিলক্ষিত হয়। সেই উপলক্ষে আজি উজনি মাজুলী খেৰকটীয়া মহাবিদ্যালয়, বৰবিল হাইস্কুল, জোনাকী ছমহীয়া আটী আদৰ্শ উচ্চতৰ মাধ্যমিক বিদ্যালয়কে আদি কৰি অঞ্চলটোৰ সকলোবোৰ শিক্ষানুষ্ঠানে শোভাযাত্রা, একতাৰ দৌৰ, বক্তৃতানুষ্ঠান, ছাত্র-ছাত্ৰীসকলৰ মাজত বিভিন্ন প্ৰতিযোগিতা আদি ৰূপায়ন কৰে। উজনি মাজুলী খেৰকটীয়া মহাবিদ্যালয়ত অন্যান্য কাৰ্যসূচীৰ লগতে দেশৰ একতা আৰু সংহতি ৰক্ষাৰ বাবে চৰ্দাৰ বল্লভভাই পেটেলে আগবঢ়োৱা অৱদানৰ বিষয়ে ছাত্র- ছাত্রীসকলৰ আগত আলোকপাত কৰে অধ্যাপক ৰমেন চুতীয়াই ।