নাজিৰাৰ বালিঘাটস্হিত বৰদুৱাৰ মুখত নৰ্থ ইষ্ট জ'ন কালচাৰেল চেণ্টাৰ, ডিমাপুৰৰ অন্তৰ্গত ভাৰত চৰকাৰৰ সাংস্কৃতিক সঞ্চালকালয়ৰ অধীনত ২০২২-২৩ বৰ্ষৰ গুৰু শিষ্য পৰম্পৰা আঁচনিৰ অধীনত গুৰু শিষ্য পৰম্পৰা কেন্দ্রটি আনুষ্ঠানিকভাবে শুভাৰম্ভ কৰে। নাজিৰা মহাবিদ্যালয় অধ্যাপক ড০ জীৱন কলিতা দেৱে জগত গুৰু শ্ৰীমন্ত শংকৰদেৱৰ প্ৰতিচ্ছবি আগত বন্তি প্ৰজ্বলনেৰে শুভাৰম্ভ কৰা উক্ত অনুষ্ঠানত সংগীতশিল্পী দিলীপ দাস,যুৱ নেতা মনোজ গগৈ,বিজয় দাস আৰু স্থানীয় যুৱক ভাস্কৰজ্যোতি মহন্ত অতিথি হিচাপে উপস্থিত থাকে। দিহানামৰ শিল্পী তথা এই দিহানাম প্ৰজেক্টৰ গুৰু অমিয়া নেওগ কলিতাই আঁতধৰা তথা উদ্দেশ্য ব্যাখা কৰা উক্ত অনুষ্ঠানত অতিথি সকলেও শুভেচ্ছা মূলক বক্তব্য আগবঢ়ায়।