સુરેન્દ્રનગર જિલ્લાના ધ્રાંગધ્રાના કંકાવટી ગામની સીમમાંથી દેશી હાથ બનાવટી સીંગલ બેરલની બે બંદૂક સાથે એક શખ્સ ઝડપાયો છે. પોલીસે શખ્સને પકડી પાડી તેની વિરૂદ્ધ આર્મ્સ એકટ કલમ 25(1)(1-બી)એ મુજબ ગુનો દાખલ કરી ધોરણસરની કાર્યવાહી હાથ ધરી છે.સુરેન્દ્રનગર જિલ્લા પોલીસ અધિક્ષક હરેશ દુધાતે આર્મ્સ એક્ટના ગુનાઓ અટકાવવા અંગે સુચના આપી હોય, જે આધારે ધ્રાંગધ્રા ના.પો.અધિ.જે.ડી.પુરોહીતના સીધા માર્ગદર્શન હેઠળ ધ્રાંગધ્રા તાલુકા પોલીસ સ્ટેશનના પો.ઈન્સ.યુ.એલ.વાઘેલાની સુચનાથી ડી.સ્ટાફની ટીમ પેટ્રોલીંગમાં હતી. આ દરમિયાન પો.કોન્સ.નરેશ ભોજીયાને મળેલી ચોકકસ બાતમી મળી હતી. જે બાતમીના આધારે કંકાવટી ગામની સીમ વિસ્તારથી આરોપી કાંતીભાઈ જેશીંગભાઈ ઝીંઝુવાડીયા ( જાતે ચુ,કોળી ઉ.વ.45 ) ( રહે-કંકાવટી તા.ધ્રાંગધ્રા )વાળાને લાયસન્સ કે આધાર પુરાવો કે પાસ પરમીટ વગર બે દેશી હાથ બનાવટની સીંગલ બેરલની બંદુક સાથે ઝડપી પાડ્યો હતો. એક બંદુકની કી.રૂ. 1000/- મળી બંને બંદુકની કી.રૂ 2,000/- સાથે શખ્સને પકડી પાડી તેની વિરૂદ્ધ આર્મ્સ એક્ટ કલમ 25(1)(1-બી)એ મુજબ ધોરણસરની કાર્યવાહી પોલીસે હાથ ધરી છે.