অসমৰ বোলছবি তথা মঞ্চ জগতৰ জনপ্ৰিয় অভিনেতা নিপন গোস্বামীৰ মৃত্যুত শোকস্তব্ধ ৰাজ্যবাসী৷তেওঁৰ মৃত্যুৰ বাতৰিৰ পিচতে শোকত ভাঙি পৰিছে আত্মীয় স্বজনৰ লগতে শিল্পী সমাজ৷সচাকৈয়ে ৰাজ্যই এজন মহিৰূহ হেৰুৱালে৷বৰ্ষিয়ান শিল্পী গৰাকীৰ মৃত্যুত মুখ্যমন্ত্ৰীকে ধৰি সকলোৱে গভীৰ শোক প্ৰকাস কৰিছে৷তেওঁৰ মৃত্যুত নলবাৰী জিলা বাৰ্তাজীৱী সংঘই গভীৰ শোক প্ৰকাশ কৰাৰ লগতে শোকসন্তপ্ত পৰিয়াল বৰ্গলৈ সমবেদনা জনাই৷এটি শোকবাৰ্তাত নলবাৰী জিলা বাৰ্তাজীৱী সংঘৰ সভাপতি নৰেন শৰ্মা আৰু সম্পাদক ৰূপকুমাৰ শৰ্মাই কয় যে অসমে আৰু এজন শিল্পীক হেৰুৱালে৷তেওঁৰ মৃত্যুত আমি মৰ্মাহত৷তেওঁৰ বিদেহ আত্মাই চিৰশান্তি লাভ কৰক৷