अळकुटी(ता.पारनेर) येथील श्री साईनाथ विद्यालयात बुधवार (दि.१९) रोजी वृक्षारोपण व वृक्षसंगोपन उपक्रम उत्साहात संपन्न झाला.
श्री साईनाथ माध्यमिक व उच्च माध्यमिक विद्यालय अळकुटी,ता.पारनेर येथे आंतरराष्ट्रीय पर्यावरण मित्र बहुउद्देशीय संस्था शाखा भारत या संस्थेच्या उपक्रमाअंतर्गत वृक्षारोपण उपक्रम आणि वृक्षसंगोपन, वृक्षसंवर्धन व पर्यावरण या विषयांवर व्याख्यान आणि विद्यार्थी गुणवत्ता विकास मार्गदर्शन आणि फिजिओथेरपी आदी विषयांवर व्याख्यान आयोजित करण्यात आले होते.यावेळी संस्थेच्या जिल्हा अध्यक्षा जया कुलथे यांनी विद्यार्थ्यांना वृक्षसंगोपन, वृक्षसंवर्धन व पर्यावरण आणि विद्यार्थी गुणवत्ता विकास या विषयावर मार्गदर्शन केले.तसेच एक मुल एक झाड हा उपक्रम राबवून प्रत्येक विद्यार्थ्यांने एक झाड लावून त्याचे संगोपन करावे असे सांगितले. संस्थेच्या तालुका अध्यक्षा सुप्रिया मंडलिक यांनी विद्यार्थी गुणवत्ता विकास आणि फिजिओथेरपी या विषयावर विद्यार्थ्यांना मार्गदर्शन केले.
यावेळी संस्थेच्या जिल्हा अध्यक्षा जया कुलथे, तालुका अध्यक्षा सुप्रिया मंडलिक, प्राचार्य मंगेश जाधव , संतोष कवडे, सदानंद सोनावळे, मंगेश कारखिले, इतर शिक्षक व विद्यार्थी उपस्थित होते.
