ৰূপালী জয়ন্তী বৰ্ষত ভৰি দিয়া সোণাৰিৰ ভৱানীপুৰ শ্মশান কালী পূজা উদযাপন সমিতিৰ পূজাস্থলীত উপস্থিত হৈ সমাজৰ পৰা সকলো অশুভ শক্তিৰ নাশ কৰি সুন্দৰ এখন সমাজ গঢ়াৰ কামনাৰে মাৰ শ্ৰীচৰণত প্ৰাৰ্থনা জনালে যোৰহাট লোকসভা সমষ্টিৰ সাংসদ তপন কুমাৰ গগৈয়ে। আজি এই পূজাখনিৰ ৰূপালী জয়ন্তী বৰ্ষৰ লগত সংগতি ৰাখি উদযাপন সমিতিৰ সকলো সন্মানীয় প্ৰাক্তন সভাপতি সকলৰ লগতে বিভিন্ন ক্ষেত্ৰত বৰঙণি আগবঢ়োৱা সোণাৰিৰ বিশিষ্ট ব্যক্তিসকলক সম্বৰ্ধনা জনোৱা হয়। এই অনুষ্ঠানত সাংসদগৰাকীৰ সৈতে সোণাৰি নগৰৰ উপ-পৌৰপতি স্বাক্ষৰ জ্যোতি গগৈ, বিশিষ্ট সমাজকৰ্মী কাজল দে আৰু বিশিষ্ট সমাজকৰ্মী দিলীপ কোঁৱৰ উপস্থিত আছিল।