সোণাৰিত আলফা স্বাধীনৰ সদস্যই আত্মসমৰ্পন কৰা পাছত সবিশেষ জানিবলৈ দিছে চৰাইদেউ জিলা আৰক্ষীয়ে। আৰক্ষীৰপৰা লাভ কৰা তথ্য অনুসৰি আত্মসমৰ্পন কৰা আলফা স্বাধীনৰ সদস্য জনৰ নাম পংকজ গোঁহাই ওৰফে ভৈৰৱ অসম। বানফেৰাৰ বাসিন্দা ৰঞ্জিত গোহাঁইৰ পুত্ৰ ভৈৰৱ অসম। ২০১৬ চনত আলফা স্বাধীনত যোগদান কৰিছিল আত্মসমৰ্পন কৰা সদস্যজনক ২০১৯ চনত অৰুণাচল প্ৰদেশৰ টিৰাপ জিলাৰ আৰক্ষীয়ে আটক কৰিছিল। পৰৱৰ্তী সময়ত কাৰাগাৰৰ পৰা মুক্তি লাভ কৰি আজি চৰাইদেউ আৰক্ষীৰ ওচৰত আত্মসমৰ্পণ কৰে।