নিশা গোলাঘাটত সংঘটিত হয় এক চাঞ্চল্যকৰ ঘটনা। এইবাৰ পেচাদাৰী চোৰৰ হাতত গুৰুলাগুৰুলকৈ প্ৰহৃত হয় এজন আৰক্ষীৰ জোৱান। গোলাঘাট সদৰ থানাত কৰ্মৰত এজন গৃহৰক্ষী জোৱানক ৰডেৰে মৰিয়াই,কামুৰি গুৰুতৰভাৱে আহত কৰে এটা চোৰে। গোলাঘাট নগৰৰ বেঙেনাখোৱাত চোৰৰ আকস্মিক আক্ৰমণৰ বলি হোৱা গোলাঘাট সদৰ থানাত কৰ্তব্যৰত গৃহৰাক্ষি জোৱানৰ নাম বিমান লিগিৰা। বুধবাৰে নিশা বেঙেনাখোৱাৰ চাচা হোটেলত নিশাৰ আহাৰ গ্ৰহন কৰি থকা অৱস্থাত গোলাঘাট সদৰ থানাত কৰ্তব্যৰত বিমান লিগীৰা নামৰ গৃহৰক্ষী জোৱানজনৰ ওপৰত হথাত আক্ৰমন কৰে ৰিবুল বৰা নামৰ এজন লোকে। পেচাগত চোৰ ৰিবুল বৰাই লোহাৰ ৰডেৰে প্ৰহাৰ কৰাৰ উপৰিও কামুৰি গুৰুতৰ ভাবে আহত কৰে বিমান লিগিৰাক। উক্ত ঘটনা সন্দৰ্ভত আঘাতপ্ৰাপ্ত গৃহৰক্ষী জোৱান জনে জানিবলৈ দিয়ে যে আক্ৰমণকাৰীটোৱে কিছুদিন পূৰ্বে বেঙেনাখোৱা অঞ্চলত চুৰি কাৰ্য সংঘটিত কৰাৰ সময়ত ঘটনাস্থলীত উপস্থিত হৈছিল আৰক্ষীৰ দল। আৰক্ষীৰ দলটোৰ সৈতে সেইসময়ত গৃহৰক্ষী জোৱান বিমান লিগিৰায়েও চোৰটোক কৰায়ত্ত কৰিবলৈ খেদি গৈছিল যদিও কথমপি পলাই যাবলৈ সক্ষম হৈছিল ৰিবুল বৰা নামৰ চোৰটো। সেই ঘটনাৰ পাছতেই চোৰটোৱে শত্ৰুজ্ঞান কৰি আক্ৰমণৰ লক্ষ্য কৰি লয় গৃহৰক্ষী জোৱান বিমান লিগিৰাক। আৰু অৱশেষত বুধবাৰে নিশা এনেদৰে চেগ বুজি গৃহৰক্ষী জোৱানজনক আক্ৰমণ কৰে ৰিবুল বৰা নামৰ চোৰটোৱে। ঘটনাৰ পাছতেই ততাতৈয়াকৈ আঘাতপ্ৰাপ্ত গৃহৰক্ষী জোৱানজনক