Royal k Present ৰ উদ্যোগত নাৰায়ণপুৰত অনুষ্ঠিত হয় Mr & Miss Sensational সৌন্দৰ্য প্ৰতিযোগিতা ৷ দেউৰী পুঁথিভৰালৰ প্ৰেক্ষাগৃহত তিনিদিনীয়া কাৰ্যসুচীৰে অনুষ্ঠিত প্ৰতিযোগিতাখনত শতাধিক প্ৰতিযোগীয়ে অংশগ্ৰহণ কৰে ৷ নাৰায়ণপুৰত প্ৰথম বাৰ অনুষ্ঠিত হোৱা প্ৰতিযোগিতাখনৰ পূৰ্বে ৰাজ্যৰ আগশাৰীৰ ফেশ্বন ডিজাইনাৰ আৰু কৰিঅ’গ্ৰাফাৰৰ  দ্বাৰা দহদিনীয়াকৈ কৰ্মশালা অনুষ্ঠিত হৈছিল ৷ উদীয়মান যুৱক কৃষ্ণ শইকীয়াৰ ব্যৱস্থাপনাত অনুষ্ঠিত প্ৰতিযোগিতাখন সঞ্চালনা কৰে সাংস্কৃতিক কৰ্মী জিতেন শইকীয়াই ৷ আৰু মুখ্য অতিথি ৰুপে উপস্থিত থাকে নাৰায়ণপুৰ পৌৰসভাৰ পৌৰপতি হৰিশ চন্দক ৷ নাৰায়ণপুৰ অঞ্চলৰ শিশু আৰু কিশোৰ কিশোৰীসকলক ফেশ্বন জগতখনৰ সম্পৰ্কে জ্ঞান দিয়া আৰু প্ৰতিভা বিকাশৰ অৰ্থে সৌন্দৰ্য প্ৰতিযোগিতা খন অনুষ্ঠিত কৰা বুলি উদ্যোক্তাসকলে জানিবলৈ দিয়ে ৷