উজনি মাজুলী খেৰকটীয়া মহাবিদ্যালয়ৰ ৰাজনীতি বিজ্ঞান বিভাগৰ উদ্যোগত আৰু আভ্যন্তৰীণ মান নিশ্চিতকৰণ কোষৰ সহযোগত এখনি বিশেষ বক্তৃতানুষ্ঠান অনুষ্ঠিত হয়। মহাবিদ্যালয়খনৰ ৰাজনীতি বিজ্ঞান বিভাগৰ মুৰব্বী অধ্যাপক ৰমেন চুতীয়াই সঞ্চালনা কৰা অনুষ্ঠানটো আঁত ধৰে অধ্যাপক দেৱৰাজ দত্তই। অনুষ্ঠানত মহাবিদ্যালয়খনৰ সমূহ শিক্ষক কৰ্মচাৰী, পূৱ মাজুলী মহাবিদ্যালয়ৰ ৰাজনীতি বিজ্ঞান বিভাগৰ অধ্যাপক দ্বয় ক্ৰমে বুধিন বৰা আৰু যুগল চন্দ্র হাজৰিকা উপস্থিত থকা অনুষ্ঠানটোত 'Displaced person and their rights' শীৰ্ষক বিশেষ বক্তৃতা প্ৰদান কৰে উত্তৰ লখিমপুৰ (স্বতন্ত্র) মহাবিদ্যালয়ৰ ৰাজনীতি বিজ্ঞান বিভাগৰ মুৰব্বী অধ্যাপক ড° দিগন্ত হাতীবৰুৱাই। মহাবিদ্যালয়ৰ ছাত্ৰ-ছাত্ৰীসকলৰ দ্বাৰা পৰিবেশিত গীতেৰে আৰম্ভ হোৱা অনুষ্ঠানটোত মহাবিদ্যালয়ৰ ছাত্র ছাত্ৰীসকলৰ উপৰি পূৱ মাজুলী মহাবিদ্যালয়ৰ কুৰিৰো অধিক ছাত্ৰ-ছাত্ৰীয়ে অংশগ্রহণ কৰে। অনুষ্ঠানটোত আদৰণী ভাষণ প্ৰদান কৰে অধ্যক্ষ ড° জাহ্নৱী লহকৰ বৰুৱাই।