অন্যান্য ঠাইৰ লগতে চৰাইদেউ জিলাতো প্ৰতিজন লোকৰ ঘৰৰ লগতে ঠায়ে ঠায়ে সমূহীয়াকৈ অনুষ্ঠিত কৰিছে কাতি বিহু। চৰাইদেউ জিলা কৃষি বিভাগৰ উদ্যোগতো আজি কাতি বিহু উদযাপন কৰা লগতে কৃষি সজাগতা সভা অনুষ্ঠিত কৰা হয়। সোণাৰি সমষ্টিৰ অন্তৰ্গত চফ্ৰাই মোহনগাওঁ সাৰ্বজনীন নামঘৰ প্ৰাঙ্গনত অনুষ্ঠিত কৰা হয় এই কাৰ্যসূচী। এই কাৰ্যসূচীত অসম চৰকাৰৰ মন্ত্ৰী যোগেন মহন, সোণাৰি সমষ্টিৰ বিধায়ক ধৰ্মেশ্বৰ কোঁৱৰ, চৰাইদেউ জিলা উপায়ুক্ত পল বৰুৱাৰ লগতে বহু কেইগৰাকী বিশিষ্ট অতিথি উপস্থিত থাকে। এই অনুষ্ঠানতে চৰাইদেউ জিলাৰ বিভিন্ন প্ৰান্তৰ বহু কেইগৰাকী কৃষকক সম্বৰ্ধনা জ্ঞাপন কৰা লগতে হিতাধিকাৰী সকলৰ মাজত সামগ্ৰী বিতৰণ কৰে প্ৰশাসনৰ তৰফৰপৰা। আনহাতে এই অনুষ্ঠানৰ পাছতে পথাৰত প্ৰায় এহাজাৰ বন্তি প্ৰজ্বলন কৰা হয়।