অসম ফুটবল সন্থাৰ দ্বাৰা স্বীকৃতি প্ৰাপ্ত আৰু বৰভাগ ইউনাইটেড স্পোৰ্টচ ক্লাৱৰ দ্বাৰা পৰিচালিত ৩৪তম বৰ্ষৰ বিংশতিতম বাৰ্ষিক ডা°ৰামদত্ত বুজৰবৰুৱা আৰু ভূপেন শৰ্মা সোঁৱৰণী চলন্ত ট্ৰফী প্ৰাইজমাণী ফুটবল প্ৰতিযোগিতাৰ ফাইনেল খেলখন আজি পশ্চিম বড়িগোগ ধীৰদত্ত উচ্চতৰ মাধ্যমিক বিদ্যালয় খেলপথাৰত অনুষ্ঠিত হয়৷খেল উদ্বোধন কৰে মংগলদৈ লোকসভা সমষ্টিৰ সাংসদ দিলীপ শইকীয়াই,আনহাতে মুখ্য অতিথি হিচাবে উপস্থিত থাকে নলবাৰী সমষ্টিৰ বিধায়ক তথা মন্ত্ৰী জয়ন্ত মল্ল বৰুৱা৷খেলখন মুকালমুৱা আঞ্চলিক ক্ৰীড়া সন্থা আৰু গোৰেশ্বৰ টাউন ক্লাৱৰ মাজত অনুষ্ঠিত হয়৷খেলত মুকালমুৱাই গোৰেশ্বৰক ১-০ গ’লত পৰাজিত কৰি চুড়ান্ত বিজয়ী সন্মান লাভ কৰে৷খেলৰ শেষত ক্লাৱৰ সভাপতি ডা°অৰুন শৰ্মাৰ সভাপতিত্বত অনুষ্ঠিত হোৱা সভাত বটাঁ বিতৰণ কৰে৷উল্লেখ্য যে আজিৰ চুড়ান্ত খেল উপভোগ কৰিবলৈ কেইবাজনো অতিথিক আমন্ত্ৰণ জনাই৷খেলৰ মাজতে সাংসদ দিলীপ শইকীয়াই তেওঁৰ প্ৰয়াত পিতৃ তথা শিক্ষক প্ৰবীন চন্দ্ৰ শইকীয়াৰ নামত প্ৰথম পুৰস্কাৰৰ ধন খিনি দিয়াৰ কথা ঘোষণা কৰে৷