रत्नागिरी : पंचायत समितीच्या माजी सभापती स्वप्नाली सावंत खून प्रकरणाचा तपास आव्हानात्मक होता. पोलिसांनी मात्र,घेतलेल्या मेहनतीमुळे या गुन्ह्यातील आरोपी जेरबंद झाले. या तपासामध्ये काही त्रुटी राहू नये, यासाठी तीन समांतर पथके तयार करून हा तपास केला गेला. डीएनएचा अहवालही पॉझिटिव्ह येईल, असा आमचा विश्वास आहे. त्यामुळे अटकेतील संशयित आरोपींना शिक्षा होईल, असे ठोस पुरावे पोलिसांना मिळाले आहेत, अशी माहिती पोलीस अधीक्षक डॉ. मोहितकुमार गर्ग यांनी दिली.
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
पत्रकारांशी झालेल्या अनौपचारिक चर्चेवेळी त्यांनी हे स्पष्ट केले. स्वप्नाली सावंत ३० ऑगस्ट रोजी मिया येथे गणेशोत्सवाला गेल्या होत्या. तिथून त्या बेपत्ता झाल्या होत्या. १ सप्टेंबर रोजी पती-पत्नीत वाद झाला. त्यानंतर सुकांत सावंत याने सहकाऱ्यांसह स्वप्नालीचा गळा दाबून खून केला आणि त्याच दिवशी बंगल्याच्या मागील बाजूला तिचा मृतदेह जाळून टाकला होता. पोलिसांनी सुकांत सावंतला चौकशीसाठी ताब्यात घेतल्यानंतर त्याने सुरुवातीला पोलिसांची दिशाभूल करण्याचा प्रयत्न केला. पोलिसांनी खास शैलीत चौकशी सुरू केल्यानंतर तिची हत्या केल्याची कबुली दिली.
पोलिसांना सुकांत सावंत याच्या मिया बंदर येथील बंगल्याजवळ मानवी हाडे सापडली होती. मात्र, मिळालेली हाडे ही स्वप्नाली सावंत यांचीच आहेत का, हे तपासण्यासाठी डीएनए चाचणी करण्याचा निर्णय पोलिसांनी घेतला. त्यानुसार बंगल्याबाहेर मिळालेली हाडे चाचणीसाठी पाठवण्यात आली आहेत.
तपासाला मिळाले यश
या प्रकरणात तपासासाठी पथक नियुक्त करण्यात आले होते, त्यांनी ठरवून दिलेल्या दिशेने तपास केला. त्यातूनच हा गुन्हा उघडकीस आणण्यात आम्हाला यश मिळाल्याचे पोलीस अधीक्षक डॉ. गर्ग यांनी सांगितले.
