खेड : विजयदुर्ग रत्नागिरी-बोरीवली एसटी बससेवा २१ ऑक्टोबरपासून सूरू करण्यात येणार आहे. या फेरीची मागणी राष्ट्रीय रेल्वे प्रवासी संघटना, शेगावचे राष्ट्रीय संघटनमंत्री ओमकार माळगावकर यांनी महाराष्ट्र राज्य मार्ग परिवहन महामंडळाचे व्यवस्थापकीय संचालक शेखर छन्ने व वाहतूक महाव्यवस्थापक शिवाजी जगताप यांच्याकडे मागणी केली होती. ही बस विजयदुर्ग येथून दुपारी ३.४५ व बोरीवली येथून संध्या. ६ वाजता सुटणार आहे. या बसचे संगणकीय आरक्षण संकेतस्थळावर व एसटी बसस्थानक आरक्षण खिडकीवर उपलब्ध आहे. या बससेवेचा प्रवाशांनी लाभ घ्यावा, असे असे आवाहन एसटी प्रशासनाचे उपाध्यक्ष तथा व्यवस्थापकीय संचालक शेखर छन्ने, महाव्यवस्थापक शिवाजी जगताप, विभागीय नियंत्रक प्रकाश रसाळ आदींनी केले आहे.