ভাৰতীয় জনতা পাৰ্টীৰ চৰাইদেউ জিলা কাৰ্যালয়ত আজি এখন গুৰুত্বপূৰ্ণ সভা অনুষ্ঠিত কৰা হয়। অসম প্ৰদেশ বিজেপিৰ  সম্পাদক কিশোৰ উপাধ্যায়ৰ উপস্থিতিত বুথ সশক্তিকৰণ অভিযান সন্দৰ্ভত অনুষ্ঠিত হয় গুৰুত্বপূৰ্ণ সভাখন। উক্ত সভাত চৰাইদেউ জিলা বিজেপিৰ সভাপতি লক্ষ্মীনাথ তাছা, সাধাৰণ সম্পাদক স্বাক্ষৰ জ্যোতি গগৈ, জ্যেষ্ঠ বিজেপি নেতা তথা এপিজিচিএলৰ সঞ্চালক অনুপ সিং ৰাজপুৰোহিত, টাই আহোম উন্নয়ন পৰিষদৰ সদস্য দিলীপ কোঁৱৰৰ লগতে বুথ সশক্তিকৰণ অভিযানৰ লোকসভা আৰু বিধানসভা সমষ্টিৰ দায়িত্বত থকা  কাৰ্য্যকৰ্তাসকল উপস্থিত থাকে।