নলবাৰী জিলাৰ বৰভাগৰ এজন যুৱকে কালি মহানগৰীৰ শ্ৰীমন্তপূৰৰ এখন ল’জত বিষাক্ত ইনজেকচন লৈ আত্মহত্যা কৰে৷উল্লেখ্য যে আজি পাপু দাস নামৰ যুৱকজনৰ মৃতদেহ বৰভাগৰ আৰাঙ্গমৌ আহি পোৱাত এক অবৰ্ণনীয় পৰিবেশৰ সৃষ্টি হয়৷কান্দোনত ভাঙি পৰে ওচৰচুবুৰীয়া তথা আত্মীয় স্বজন৷আৰাঙ্গমৌ গাৱঁৰ পংকজ দাসৰ জ্যেষ্ঠ পুত্ৰ আছিল পাপু দাস৷উল্লেখ্য যে মৃত্যুৰ ২১ দিন পূৰ্বে জি এম চি এইচত আই চি ইউ টেকনিচিয়ান হিচাবে কৰ্মত যোগদান কৰিছিল পাপু দাসে৷জ্যেষ্ঠ কোনো বিষয়াৰ সৈতে হোৱা মনোমালিন্যৰ বাবে বাইশ বছৰীয়া যুৱক জনে চৰম সিদ্ধান্ত লোৱা বুলি চৰ্চা চলিছে যদিও পৰিয়ালে এই সম্পৰ্কত অজ্ঞতা প্ৰকাশ কৰিছে৷