*જસદણ રેન્જના ભાડલા રાઉન્ડમા વનવિભાગ દ્વારા વિશાળ અજગરનુ રેસ્ક્યુ.*

જસદણ તાલુકાના ભાડલા રાઉન્ડમા વાવડી ગામે આજે રાત્રે રહેણાંક વિસ્તાર નજીક એક વિશાળ અજગર દેખાતા ગામના સરપંચ દ્વારા વિભાગ અધિકારીને ટેલિફોનિક જાણ કરતા જસદણ રેન્જના આર.એફ.ઓ સાહેબના માર્ગદર્શન હેઠળ વનવિભાગના કર્મચારી ભાડલા ફોરેસ્ટર ભુપતભાઇ બી.મકવાણા તેમજ બીટગાર્ડ રમેશભાઈ વી.કુકડિયા અને સમગ્ર સ્ટાફ તાત્કાલિક સ્થળ પર જઈને અજગરનુ સફળતા પૂર્વક રેસ્ક્યુ કરી સલામત સ્થળે તેને મૂકી દેવામા આવ્યુ હતુ તેથી ગામલોકોને પણ રાહત થઈ હતી.

જોકે વનવિભાગ કર્મચારી રમેશભાઈ વી. કુકડિયા આજુબાજુના વિસ્તારમા જયારે પણ સાપ નીકળે ત્યારે તેનુ સફળતા પૂર્વક રેસ્ક્યુ કરીને સલામત સ્થળે મુકવાની સેવા અવિરત કરતા જ રહે છે.