অত্যাৱশ্যকীয় সামগ্ৰীৰ মূল্যবৃদ্ধি আৰু সম্পত্তিৰ ওপৰত জাৰি কৰা অতিৰিক্ত কৰৰ বোজা হ্ৰাস কৰাৰ দাবী উত্থাপন কৰিছে সদৌ অসম ছাত্ৰ সন্থাই। ইয়াৰ পৰিপ্ৰেক্ষিতত আজি ৰাজ্যজুৰি বিক্ষোভ কাৰ্যসূচী পালন কৰে সংগঠনটোৰ জিলা সমিতি সমূহে। সদৌ চৰাইদেউ জিলা ছাত্ৰ সন্থাৰ উদ্যোগতো সোণাৰিত বিক্ষোভ কাৰ্যসূচী পালন কৰি অতি শীঘ্ৰে বিষয়টো সন্দৰ্ভত গুৰুত্ব আৰোপ কৰিবলৈ দাবী উত্থাপন কৰে সদৌ অসম ছাত্ৰ সন্থাৰ নৱ নিৰ্বাচিত কাৰ্যনিৰ্বাহক সদস্য অনুপ জ্যোতি ভূঞাই।