মৰাণৰ খোৱাং অঞ্চলত এতিয়া অচিন ৰোগত আক্ৰান্ত হৈছে শ শ ছাগলী ৷ বহু ছাগলী ইতিমধ্যে মৃত্যু মুখত পৰিছে । যাৰ বাবে এক হাহাঁকাৰ পৰিস্থিতিৰ সৃষ্টি হৈছে ছাগলী পালকৰ মাজত ৷ ডিব্ৰুগড় জিলাৰ মৰাণ সমষ্টিৰ অন্তৰ্গত বৰপথাৰ বাম গাঁও ,হালধিবাৰী, কোঁৱৰ গাঁও, খোৱাং সোনোৱাল গাওঁ, বলাইকে ধৰি বহু কেইখন গাওঁত  অচিন ৰোগৰ ফলত মৃত্যুমুখত পৰিছে বহু ছাগলী ৷ বৰ্তমানেও আক্ৰান্ত হৈ আছে কেইবাশ ছাগলী ৷ স্থানীয় ছাগলীৰ পালকসকলে জানিবলৈ দিয়া অনুসৰি অচিন ৰোগত আক্ৰান্ত হোৱাৰ ছাগলী সমূহ দুটা দিনৰ ভিতৰতে সংকটজনক হৈ পৰে আৰু মৃত্যু মুখত পৰে ৷ বৃহত্তৰ খোৱাংঅঞ্চলত এটা পশু চিকিৎসালয় আছে যদিও পশু চিকিৎসক নথকাৰ ফলত স্থানীয় ৰাইজৰ মাজত হাহাঁকাৰ পৰিস্থিতিৰ সৃষ্টি হৈছে ৷ ছাগলী পালক সকলে অচিন ৰোগত আক্ৰান্ত হোৱা ছাগলী সমূহ চিকিৎসা কৰিছে যদিও সুস্থ হোৱা নাই ।  উপায়হীন হৈ পৰিছে গাঁৱৰ ৰাইজ ৷ যিহেতু এই কৰ্ম কৰিয়ে পৰিয়াল পোহপাল দি আহিছে পশুপালক সকলে। কৃষিজীৱী লোক সকলে উপায়হীন হৈ নেদেখাজনৰ ওচৰত ধুপ-বন্তি জ্বলাই প্ৰাৰ্থনা কৰা বুলি জানিবলৈ দিছে ।