সদৌ অসম চাহ জনজাতি জাগৰণ সন্থা (চমুকৈ আটজা) কেন্দ্ৰীয় সমিতি আৰু চৰাইদেউ জিলা সমিতিৰ ফালৰ পৰা শ্ৰমিকসকলৰ বিভিন্ন সমস্যা সমাধানৰ দাবীত আজি চৰাইদেউ জিলাৰ উপায়ুক্তৰ যোগেদি এক স্মাৰক পত্ৰ ৰাজ্যখনৰ মুখ্যমন্ত্ৰীলৈ প্ৰেৰণ কৰে । সংগঠনটোৰ কেন্দ্ৰীয় সাধাৰণ সম্পাদক সন্তোষ কুৰ্মীৰ নেতৃত্বত যোৱা দলটোৱে আদিবাসী চাহ শ্ৰমিকৰ কেইবালানি দাবী যেনে জনজাতিকৰণ, শ্ৰমিকৰ মজুৰি ৪০০ টকা কৰা, এ বি চি টি ৱৰ্কাৰছ ৱেলফায়াৰ চাৰ্ভিচৰ নামত সন্থাটিৰ ৰেচন যোগান নিষিদ্ধ, চাহ শ্ৰমিকৰ বাসগৃহত বিজুলী বাতি সংযোগৰ বিনামূলীয়া ব্যৱস্থা গ্ৰহণ, চাহ শ্ৰমিকক যোগান ধৰা ৰেচনত ট্ৰেড মাৰ্ক দিয়া, শ্ৰম আইন আৰু শ্ৰমিক সুৰক্ষা নীতি আইন বলৱৎ কৰণ আদি দাবী সম্বলিত এক স্মাৰকপত্ৰ আজি চৰাইদেউ জিলাৰ উপায়ুক্তৰ যোগেদি অসমৰ মুখ্যমন্ত্ৰীলৈ প্ৰেৰণ কৰে।