চৰাইদেউ আৰু ডিব্ৰুগড় জিলাৰ সঙ্গম স্থলত  অবস্থিত সীমামুৰীয়া নগৰ  মৰাণৰ অন্যতম অগ্ৰণী অনুষ্ঠান মৰাণহাট প্ৰেছ ক্লাৱৰ সভাপতি তথা জ্যেষ্ঠ সাংবাদিক প্ৰকাশ কুৰ্মীয়ে ক্লাৱৰ সভাপতি দায়িত্বৰ লগতে  প্ৰাথমিক সদস্য পদৰ  পৰা পদত্যাগ কৰিছে । সংবাদ মাধ্যমলৈ প্ৰেৰণ কৰা এক প্ৰেছ বিবৃতিত সদ্যপদত্যাগী সভাপতিগৰাকীয়ে উল্লেখ কৰিছে যে, বিগত সময়ছোৱাত ক্লাৱৰ বিষয়ববীয়াসকলৰ পৰা যেনেধৰণেৰে সহযোগিতা আশা কৰিছিলো সেয়া লাভ কৰা নহ'ল । ক্লাৱৰ একাংশ সদস্যই অতি গোপনে অসাংবিধানিক কাৰ্যত লিপ্ত হোৱাত মৰ্মাহত হৈ  ক্লাৱৰ পৰা পদত্যাগ কৰা  বুলি লগতে  উল্লেখ কৰে কুৰ্মিয়ে।