औरंगाबाद : सिल्लोड तालुक्यातील अजिंठा , शिवना , उंडणगाव परिसरातील अवैध धंद्यांवर कारवाई करत १२ जणांविरोधात अजिंठा पोलिस ठाण्यात गुन्हा दाखल करण्यात आला . ही कारवाई उपविभागीय अधिकारी पथक , गुन्हे शाखा आणि अजिंठा पोलिसांनी एकाच दिवशी म्हणजे शुक्रवारी संयुक्तपणे केली . ही कारवाई सिल्लोड उपविभागीय पोलिस अधिकारी डॉ . विजय मराठे , स्थानिक गुन्हे शाखेचे पोलिस निरीक्षक तुकाराम रेंघे , अजिंठा ठाण्याचे सहायक पोलिस निरीक्षक अजित विसपुते , उपनिरीक्षक राजू राठोड , धम्मदीप काकडे , गणेश काळे , एस . बी . वाघुले , पोलिस हेडकॉन्स्टेबल अक्रम पठाण , अरुण गाडेकर आदींनी केली .