केज :- शेतातील काम आटोपून घराकडे निघालेल्या दुचाकीवरील शेतकऱ्याला बीड रोडवर असलेल्या बजरंग नगर जवळ भरधाव वेगातील बुलेटने जोरदार धडक दिली. यात शेतकरी गंभीर जखमी झाला.
केज शहरातील मुखीमोदीन हमीदोद्दीन खतीब व मुजफोरोद्दीन हमीदोद्दीन खतीब हे दोघे भाऊ आपल्या शेतीतील काम आटोपुन दुचाकी क्र.(एमएच-४४/ एम-६०६३) वरुन घरी जात असताना वाटेत केज- बीड रोडवर बजरंग वस्ती जवळ समोरून राँग साईडने येणारी बुलेट क्र. (एमएच-१४/ डी क्यू- ७७७६) लाल रंगाची बुलेट या कंपनीच्या मोटार सायकलने चालत्या दुचाकीला गुरुवार दि. ६ ऑक्टोबर रोजी संध्याकाळी ५:३०वा. धडक देऊन बुलेट चालक अपघातस्थळा वरून फरार झाला. या अपघातात मुजफोरोद्दीन हमीदोद्दीन खतीब हे जखमी झाले आहेत. केज पोलीस ठाण्यामध्ये बुलेट चालका विरूद्ध गु.र.नं. ४५०/२०२२ भा दं. वि. २७९, ३३७, ३३८ गुन्हा दाखल झाला आहे.
पुढील तपास सहाय्यक पोलीस निरीक्षक शंकर वाघमोडे यांच्या मार्गदर्शनाखाली पोलिस नाईक महावीर सोनवणे हे पुढील तपास करीत आहेत.
