ডিব্ৰুগড় জিলাৰ মৰাণ ৰাজহ চক্ৰৰ অন্তৰ্গত চেপন চাহ বাগিচা বৰটনি লাইনৰ প্ৰেক্ষাগৃহৰ কাষত সৃষ্টি হোৱা এটা গাঁতে বৃদ্ধি কৰিছে ৰাইজৰ মাজত উৎকন্ঠা। দুৰ্গা দেৱী বিসৰ্জন দিয়াৰ পাছ দিনাই ৰাইজে বৰটনি লাইনৰ প্ৰেক্ষাগৃহৰ নিচেই কাষতে প্ৰত্যক্ষ কৰে কুৱাঁ সদৃশ দ গাঁতটো। কালি দিনত এটা শিশু দ গাঁতটোত সোমাই যোৱাৰ পাছতে ৰাইজে প্ৰত্যক্ষ কৰে এই দ' গাঁতটো। ৰাইজৰ অনুমান ৰাজাদিনৰ গুহা নতুবা কুৱাঁ হ'ব পাৰে এই দ' গাঁতটো। ৰাইজে প্ৰশাসন আৰু পুৰাতত্ব বিভাগৰক খবৰ দিয়াত আজি উক্ত স্থানত আৰক্ষী উপস্থিত হৈ সকলো দিশ পৰীক্ষা কৰিছে । ইতিমধ্য দ' গাঁতটোৰ ওচৰলৈ কোনো যাব নোৱাৰাকৈ বেৰাৰ ব্যৱস্থা কৰিছে প্ৰশাসনে। আৰক্ষী আৰু পুৰাতত্ব বিভাগৰ অনুসন্ধানতহে পোহৰলৈ আহিব প্ৰকৃততে কেনেকৈ সৃষ্টি হৈছে এই কুঁৱা সদৃশ দ' গাঁতটো। মুঠৰ ওপৰত ৰাইজৰ মাজত উৎকন্ঠা বৃদ্ধি পাইছে এই দ' গাঁতটোক লৈ ।অনুসন্ধান আৰম্ভ কৰিছে আৰক্ষীয়ে