বিহপুৰীয়া সমষ্টিভিত্তিত গঠন হোৱা বীৰ লাচিত বহুমুখী সমবায় সমিতিৰ এখন বিশেষ সভা আজি অনুষ্ঠিত কৰা হয় পিচলা গাঁও পঞ্চায়ত কাৰ্যালয়ৰ সভাকক্ষত ৷ স্থানীয় বিধায়ক অমিয় কুমাৰ ভূঞাই অংশগ্ৰহণ কৰা সভাখনত সমষ্টিটোত বীৰ লাচিত বহুমুখী সমবায় সমিতিৰ লক্ষ্য আৰু উদ্দেশ্যৰ উপৰিও ভৱিষ্যতৰ কাৰ্যপন্থা সম্পৰ্কে ৰাইজক অৱগত কৰে বিধায়কগৰাকীয়ে ৷ বিহপুৰীয়া সমষ্টিত বিধায়কগৰাকীৰ নেতৃত্বত সমিতি খনে ইতিপূৰ্বে আৰম্ভ কৰিছে ধানখেতি আৰু কলখেতি ৷ ভবিষ্যত দিনত সমিতি খনৰ উদ্যোগত সমষ্টিটোত ২৭ বিধ খেতি কৰাৰ লক্ষ্যৰে কাম কাজ অব্যাহত ৰাখিছে ৷