ৰাজ্যৰ ভিন্ন প্ৰান্তৰ সমান্তৰালভাৱে মহাপুৰুষ মাধৱদেৱৰ জন্মস্থান নাৰায়ণপুৰতো উলহমালহেৰে উদ্‌যাপন কৰা হৈছে মহাপুৰুষ শ্ৰীমন্তশঙ্কৰদেৱ গুৰুজনাৰ ৫৭৪ সংখ্যক আৱিৰ্ভাৱ মহোৎসৱ ৷ নাৰায়ণপুৰৰ প্ৰতিটো নামঘৰ , থান আৰু মহাপুৰুষীয়া সত্ৰৰ লগতে বহুলভাৱে শ্ৰীমন্ত শঙ্কৰদেৱ সংঘৰ নাৰায়ণপুৰ আঞ্চলিকৰ উদ্যোগত বৰপথাৰ প্ৰাথমিক শাখাৰ নামঘৰত তিনিদিনীয়া কাৰ্যসুচীৰে তিনি অক্টোৱৰৰ পৰা অনুষ্ঠিত হৈছে আৱিৰ্ভাৱ তিথি ৷ জন্মোৎসৱৰ লগত সংগতি ৰাখি আঞ্চলিক শাখাটোৰ সোণালী জয়ন্তী বৰ্ষ উদ্‌যাপন কৰিছে ৷ আনহাতে খেৰাজখাট শংকৰজ্যোতি জন্মোৎসৱ সমিতিৰ উদ্যোগত তিনি অক্টোবৰৰ পৰা আঠ অক্টোবৰলৈকে বনাঢ্য কাৰ্যসুচীৰে উদ্‌যাপন হৈছে গুৰুজনাৰ ৫৭৪ সংখ্যক জন্মজয়ন্তী ৷ কেউটাদিন গুৰুজনাৰ বন্দনা , গুৰুজনাৰ সৃষ্ট কৃষ্টি , নাট , ভাওনা , ধৰ্মালোচনী সভা অনুষ্ঠিত হ’ব ৷ আজিৰ মুল তিথিৰ দিনটোৰ লগতে কেউটাদিনত নাৰায়ণপুৰত মুখৰিত হৈছে হৰিনাম ৷