মাজুলীত শংকৰ উৎসৱ পালন।আজি জগত গুৰু শ্ৰীমন্ত শংকৰ গুৰু জনাৰ ৫৭৪ তম জন্ম জয়ন্তী সমগ্ৰ ৰাজ্যৰ লগতে দুৰ্গাপূজা বিহীন মাজুলীতো উদযাপন কৰিছে । মাজুলীৰ ৩৩ খন সত্ৰৰ লগতে তিনি শতাধিক নামঘৰ,আৰু ২০ খনকৈ অধিক ৰাজহুৱা মঞ্চত শংকৰদেৱৰ জন্ম জয়ন্তী ভাগি উলহ মালহেৰে উদযাপন কৰিছে। সত্ৰ সমূহত নাম প্ৰসংগ গায়ন বায়ন নাচ নৃত্য ভাওনা আদি পৰিবেশনৰ জড়িয়তে গুৰুজনালৈ শ্ৰদ্বা আগবঢ়াইছে। ঠায়ে ঠায়ে আলোচনা চক্ৰ মুকলি সভা আৰু বৰগীত দিহানাম প্ৰতিযোগিতা আয়োজন কৰিছে। পুৱাগীত পৰিবেশনৰ পাছত নাম কীৰ্তন গায়ন বায়ন,সাংস্কৃতিক শোভাযাত্ৰা অনুষ্ঠিত হৈছে।