आमच्या रक्तात हिंदुत्व आहे  दानवेंनी शिकवू नये  संदिपान भुमरें आमच्या रक्तात हिंदुत्व आहे . ते आम्हाला स्वतः एमआयएमच्या मतावर निवडून आलेल्या दानवेंनी शिकवू नये . तसेच आता आपली काम आटोपून घेत खैरेंनी हिमालयात जाण्याची तयारी करावी . असा टोला रोहयो व फलोत्पादन मंत्री संदिपान भुमरेंनी शिवसेना नेते चंद्रकांत खैरे आणि विधान परिषदेचे विरोधी पक्ष नेते अंबादास दानवेंना लगावला आहे . संदिपान भुमरेंनी चंद्रकांत खैरेंच्या ' हिमालायत जाईन ' या वक्तव्याचा देखील खरपूस समाचार घेतला . ते म्हणाले , चंद्रकांत खैरेंना उत्तर देण्याची गरज राहिलेली नाही . खैरेंना म्हणा 2024 मध्ये हिमालयात जाण्याची तयारी ठेवा . कारण आता येथे त्यांचे काहीही काम नाही . एक ते दिड वर्ष त्यांच्याकडे राहिलेय . त्यात आटोपून घ्यावे . नंतर तुम्हाला हिमालयात जायचेच आहे . असे म्हणत खैरेंची भुमरेंनी खिल्ली उडवली