औरंगाबाद : शारदीय नवरात्र उत्सवाचे औचित्य साधून येथील सामाजिक बांधिलकी जपणाऱ्या सम्राट प्रतिष्ठानतर्फे परिसरातील उपक्रमशील शिक्षकांना आदर्श शिक्षक पुरस्कार देऊन सन्मानित करण्यात आले . यावेळी नारीशक्तीच्या सन्मानार्थ पार्थ पब्लिक स्कूलच्या मुख्याध्यापिका सारिका देशमुख , सनराईज पब्लिक स्कूलच्या मुख्याध्यापिका प्रतिभा गर्जे , विस्तार अधिकारी डॉ . शंकर गाडेकर रेसिडेन्शिअलचे प्राचार्य बालाजी गायकवाड , किरण बैरागी बोधेगाव शिवाजी हायस्कूलचे अशोक मोरे नवाब शेख सुकळीचे संतोष पवार यांना आदर्श शिक्षक पुरस्काराने सन्मानित करण्यात आले . मेहनत व परिश्रमाने एखादी गोष्ट कशी साध्य होते , यावर डॉ . शंकर गाडेकर यांनी विशेष मार्गदर्शन केले . कार्यक्रमासाठी भाजप ओबीसी युवा मोर्चाचे दक्षिण जिल्हाध्यक्ष अशोक गाडे पार्थ पब्लिक स्कूलचे संस्थापक अध्यक्ष भारत देशमुख सम्राट प्रतिष्ठानचे शहादेव गुंजाळ अध्यक्ष विष्णू रूपनर , भाजप जिल्हा सरचिटणीस बाबा सावळकर , वंचितच्या महिला शेवगाव तालुकाध्यक्ष संगीता ढवळे , रंजना गायकवाड , प्रमोद तांबे , मुनावर शेख , महेश ससाणे , अर्जुन गायकवाड आदी उपस्थित होते