মাজুলী জিলা ভাওনা সন্মিলনৰ দ্বাৰা আয়োজিত অসম ভিত্তিত মাতৃভাষা ভাওনা নাটৰ পাণ্ডুলিপি প্ৰতিযোগিতা-২০২২ৰ আজি ফলাফল ঘোষণা কৰা হয় | মাজুলীৰ কমলাবাৰীত আয়োজন কৰা এখন সংবাদ-মেলত এই ঘোষণা কৰে মাজুলী জিলা ভাওনা সন্মিলনৰ সভাপতি প্ৰভাত বৰা বুঢ়াভকতে | জিলা সন্মিলনৰ কাৰ্যকৰী সভাপতি ড০ অৰূপ কুমাৰ বৰা, উপ সভাপতি দীপক বৰুৱা প্ৰমুখ্যে ভাওনা সন্মিলনৰ গুণেশ্বৰ গায়ন, নৃপেন কলিতা, উৎপল কৌশিক শইকীয়া, ধ্ৰুৱজ্যোতি বৰা ইত্যাদি উপস্থিত থকা অনুষ্ঠানটিত সাংবাদিকসকলৰে হোৱা সংবাদ- মেলখনৰ আঁত ধৰে সাধাৰণ সম্পাদকৰূপে জয়ন্ত হাজৰিকাই | সকলো প্ৰতিযোগীৰ লগতে স্থানপ্ৰাপকসকললৈ কৃতজ্ঞতা আৰু অভিনন্দন জনাইছে সন্মিলনীয়ে |