জাতিৰ পিতা, মহামানৱ তথা অহিংসাৰ পূজাৰী মহাত্মা গান্ধীৰ জন্ম জয়ন্তী উপলক্ষে আজি সোণাৰিৰ থুকুবিল ১৪ নং ৱাৰ্ডৰ ৩৩ নং বুথৰ দেৱজিৎ দত্ত বাসগৃহত স্বদেশী, খাদী আৰু স্বচ্ছতাৰ অভিযান শীৰ্ষক এটা কাৰ্যসূচী গ্ৰহণ কৰা হয়। চৰাইদেউ জিলা বিজেপিৰ উদ্যোগত আয়োজিত এই কাৰ্যসূচীত স্থানীয় শিপীনি সকলৰ লগত বিধায়ক ধৰ্মেশ্বৰ কোঁৱৰে মত বিনিময় কৰা লগতে সামূহিক চাফাই কাৰ্যসূচীত অংশগ্ৰহণ কৰে। বিধায়ক গৰাকীৰ লগত অংশগ্ৰহণ কৰে চৰাইদেউ জিলা বিজেপিৰ সভাপতি লক্ষ্মীনাথ তাছা, সোণাৰি পৌৰসভাৰ পৌৰপতি তিলক চন্দ্ৰ নেওগ, চাহ মৰ্চাৰ সম্পাদক উমাকান্ত তাছা, সোণাৰি পৌৰসভাৰ ৱাৰ্ড কমিছনাৰ সকলৰ লগতে, চৰাইদেউ জিলা বিজেপিৰ উপ-সভাপতি গোপীনাথ ৰায়, সদস্য প্ৰবাল দে , যুৱ মৰ্চাৰ ৰাজ্যিক সদস্য জ্যোতিষ কোঁৱৰ প্ৰমূখ্যে বহু কেইজন দলীয় কাৰ্যকৰ্তা।