ৰাজ্যত এতিয়া শাৰদীয় দুৰ্গাপূজাৰ আনন্দ, উৎসাহ-উদ্দীপনাই বিৰাজ কৰিছে। পূজাস্থলীসমূহত আজি পালন কৰা হৈছে সপ্তমী পূজা। ষষ্ঠীৰ বেদীত মা দূৰ্গাৰ প্ৰতিমা স্থাপন কৰা পাছত আজি পূৱাৰেপৰা আৰম্ভ হৈছে সপ্তমী পূজা। অন্যান্য প্ৰান্তৰ লগতে চৰাইদেউ যুৱ সমাজৰ উদ্যোগতো অনুষ্ঠিত কৰা হৈছে শাৰদীয় দূৰ্গা পূজা। ষষ্ঠ বছৰৰ বাবে অনুষ্ঠিত হোৱা দূৰ্গা পূজা ভাগ এইবাৰ অসমীয়া সমাজ জীৱনক প্ৰতিফলিত কৰিব পৰাকৈ বাঁহ-বেত তথা জাপি আদিৰে নিৰ্মিত মণ্ডপত অনুষ্ঠিত কৰা হৈছে। জাকজমকতা বাদ দি এইবাৰ আধ্যাত্মিক পৰিৱেশৰ মাজত চৰাইদেউ যুৱ সমাজৰ উদ্যোগত অনুষ্ঠিত কৰা হৈছে ষষ্ঠ বাৰ্ষিক শাৰদীয় দূৰ্গা পূজা।