সাধাৰণতে পুৱাৰ আহাৰৰ সৈতে একোটাকৈ সিদ্ধ কণী খোৱাটো বহুতেই পছন্দ কৰে৷ স্বাস্থ্য সচেতন লোকসকলে খাদ্য তালিকাত দৈনিক একোটাকৈ সিদ্ধ কণী খায়৷ কণীৰ কুহুমত পৰ্যাপ্ত পৰিমাণৰ কলেষ্টৰেল থাকে৷ সেইবাবে মাত্ৰাধিক কণী খালে হৃদযন্ত্ৰৰ বাবে ক্ষতিকাৰক বুলি বহুতৰে এটা ধাৰণা আছে৷ কিন্তু ২০১৮ চনত এই বিষয়ে হোৱা এক সমীক্ষাত এই কথা বিজ্ঞানসন্মত নহয় বুলি প্ৰমাণিত হৈছে৷ চীন দেশত অদ্ধৰ্ মিলিয়ন প্ৰাপ্ত বয়স্কৰ ওপৰত এক সমীক্ষা চলোৱা হৈছিল৷ গৱেষকসকলে এই সমীক্ষাৰ অন্তত প্ৰকাশ কৰে যে প্ৰতিদিনে কমেও এটাকৈ সিজোৱা কণী খোৱাসকলৰ হৃদৰোগ বা ষ্ট্ৰোকৰ আশংকা উল্লেখযোগ্যভাৱে কম হয়৷ এই সমীক্ষাত অংশগ্ৰহণকাৰীসকলৰ তেজৰ প্লাজমা নমুনা সংগ্ৰহ কৰা হৈছিল৷ গৱেষকসকলে চলোৱা এই সমীক্ষাত পোহৰলৈ আহে যে যিসকলে প্ৰায়েই কণী খাইছিল তেওঁলোকৰ তেজত অ্যাপোলিপোপ্ৰোটিন এ-১ উচ্ছ ঘনত্বৰ লাইপ্ৰোপ্ৰোটিনৰ একোটা বিল্ডিং ব্লক নামৰ প্ৰোটিনৰ মাত্ৰা বেছি আছিল৷ তেওঁলোকৰ তেজত এইছ ডি এল অণুৰ পৰিমাণ পোৱা গৈছিল৷ এই অণুৱে ৰক্তনলীত জমা হৈ থকা কলেষ্টৰেল পৰিষ্কাৰ কৰাত সহায় কৰে৷ যাৰ ফলত হাৰ্টএটেক বা ষ্ট্ৰোকৰ পৰা ৰক্ষা কৰাত ই সহায় কৰে৷ গৱেষকসকলে আৰু চৈধ্যতা বিপাক চিনাক্ত কৰিছিল৷ যাৰ হৃদৰোগৰ সৈতে সম্পৰ্ক আছিল৷ গৱেষকসকলে এই সমীক্ষাত প্ৰকাশ কৰে যে যিসকলে কমকৈ কণী খাইছিল তেওঁলোকৰ তেজত উপকাৰী বিপাকৰ মাত্ৰা কম আৰু ই নিয়মীয়াকৈ কণী খোৱাসকলৰ তুলনাত হৃদযন্ত্ৰৰ বাবে ক্ষতিকাৰক হৈ পৰে৷ এই সমীক্ষাত অন্তত গৱেষকসকলে প্ৰকাশ কৰে যে নিয়মীয়াকৈ যিসকলে কণী খাই তেওঁলোক হৃদৰোগৰ পৰা যথেষ্ট পৰিমাণে হাত সাৰি থাকিব পাৰে৷ এই সমীক্ষাই প্ৰমাণ কৰে নিয়মীয়াকৈ একোটা সিদ্ধ কণী খালে হৃদৰোগৰ পৰা সহজেই হাতসাৰি থাকিব পাৰি৷